0.mk

Верзија за мобилни телефони

Sat, 11 Dec 2010 17:51:51 +0100

Ви се случило да треба да скратите некој линк, а да немате компјутер во близина? Целосната верзија на сајтот е преголема за вашиот мобилен телефон? Од денес започнува со работа уште една верзија на сервисот наменета за користење преку вашите мобилни телефони.

Верзијата ги содржи (според нас) најнеопходните алатки и тоа кратење на долг линк (со или без внесување на наставка) и преглед на вашите 10 последни скратени линкови.

За пристап до оваа верзија едноставно внесете http://0.mk во прелистувачот на вашиот мобилен телефон и автоматски ќе бидете префрлени до потребната локација, или директно со внесување на http://m.0.mk.

За сите забелешки, проблеми или идеи ве молиме оставете коментар под овој пост или контактирајте не.

Среќен роденден 0.mk

Thu, 22 Jul 2010 13:05:30 +0200

Помина и првата година од стартувањето на сервисот, исполнета со многу подеми и падови, позитивни и негативни критики… од се по нешто… позитивните не мотивираа за да продолжиме, а негативните уште повеќе не мотивираа да го подобриме сервисот.

По првите успешни 7 месеци излезе и втората верзија на сервисот која на наше огромно задоволство беше одлично прифатена од корисниците.
Со втората верзија се воведени и корисничките профили кои што придонесоа уште повеќе да се зголеми бројот на корисници на сервисот. Дополнително во наредниот период и API-от доби своја втора верзија, а беше воведен и RSS канал со линкови на корисниците.

Не треба да се заборави и огромната поддршка од самите корисници кои придонесоа кон подобрување на сервисот, тука вреди да се споменат екстензијата за Google Chrome (credits goes to @zuberot, @krcko_kr, @skechboy) и екстензијата за Mozilla Firefox (Спасе Мицевски).

Успешната работа на сервисот во изминатата година(покрај одличните позитивни презентации од страна на медиумите) ја запечатуваме со освоеното прво место на “Веб дизајн предизвикот” организиран од страна на IT.com.mk и MkHost

Еве и некои статистики за изминатиот период
(во моментот кога е постот пишуван)
Вкупно скратени линкови 25.332 и 1.307.388 прегледи на линковите, од кои половина по чиста случајност се од втората верзија.
Број на регистрирани корисници 203.

(via Google Analytics)

по прелистувач
Firefox – 66.52 %
Chrome – 24.50%
Opera – 5.45%
Safari – 2.61%
Останати – 0,49%

По локација (топ 5)
Македонија – 90.57%
САД – 3.3%
Бугарија – 1.21%
Србија – 0.82%
Канада – 0.53%
Останати – 3.57%

Топ Реферали
Twitter
Google
Facebook
IT.com.mk
YouTube

PHP класа: use0mk

Tue, 13 Apr 2010 20:38:00 +0200

use0mk е php класа која можете да ја искористите за полесно имплементирање на API-от на 0.mk во вашата апликација. Со објавување на нови функции во API системот ќе биде надградувана и оваа класа.

Упатство за користење:

Вчитување на класата:

include(‘use0mk.class.php’);

Креирање на објект:

$use0mk = new use0mk();

Доколку сакате да се најавите додадете го корисничкото име и api клучот како параметри при креирањето на објектот.

пример:
$use0mk = new use0mk(“0mkapi”, “1a7854a2226925282e54d1a01af5058c”);

Наредби:

Кратење на долг линк:

пример:
$use0mk->shortenUrl(“http://google.com/”);

Ако кратењето е успешно функцијата ќе го врати краткиот линк.
Ако не, ќе го добиете истиот линк кој го внесовте.

Преглед на краток линк:

пример:
$use0mk->previewUrl(“http://0.mk/example”);

Ако линкот е валиден и постои во базата функцијата ќе го врати долгиот
линк.
Ако не, ќе го добиете истиот линк кој го внесовте.

Кратење на сите линкови во некој текст:

пример:
$use0mk->shortenAll(“Tekst: http://google.com/ http://yahoo.com”);

Сите линкови во текстот ќе бидат испратени за кратење и постоечките
долги линкови ќе бидат заменети со новодобиените кратки линкови.
Доколку кратењето на некој од линковите е неуспешно, тој линк нема
да биде заменет.

Новите верзии на класата ќе бидат објавувани на http://0.mk/use0mk

Среќно кратење :)

RSS канал со вашите линкови

Tue, 13 Apr 2010 16:22:00 +0200

Од денес листата со вашите скратени линкови ви е достапна на уште еден начин – преку RSS канал кој ги содржи вашите последни 20 скратени линкови. Линкот до каналот е приватен и го добивате само вие, а истиот е достапен во вашиот кориснички панел .

Сеуште не сте регистрирани? Регистрирајте се.

Втора верзија на API-от

Sat, 27 Mar 2010 19:50:40 +0100

Преку API-от на 0.mk можете да ја поврзете вашата апликација да го користи сервисот за кратење. За искористување на можностите на втората верзија на сервисот подготвивме нова верзија и на овој интерфејс.

За сега функциите кои може да се вршат остануваат истите (кратење и преглед), но во најскоро време ќе бидат додадени уште некои. Главна новост е тоа што овозможено е најавувањето на корисниците при што линковите при кратење ќе се појават во вашиот кориснички панел. Резултатот кој во првата верзија беше достапен само во plain text формат, сега е достапен во уште 2 формати – json и xml.

Првата верзија на API-от продолжува да работи исто како до сега, значи нема да имате никаков проблем доколку веќе ја имате имплементирано во вашиот систем.

целосна документација

0.mk - верзија 2

Thu, 18 Mar 2010 21:52:57 +0100

По седум месеци од стартувањето и успешна работа, вечерва во работа е пуштена втората верзија на системот. Голема благодарност за поддршката од сите корисници, која постојано ни даваше (и ни дава) мотивација да продолжиме со развивањето на системот. Верзијата сеуште е BETA и можни се неочекувани грешки. За сите предлози, забелешки или слично можете да не контактирате или да оставите коментар под овој пост.

Некои од поважните новости и измени во системот се:

Блог - До сега сите новости во врска со сервисот се објавуваа преку Twitter и Facebook, но не секогаш 140 карактери се доволни за да се напишат сите потребни информации. Затоа со новата верзија доаѓа и овој блог на кој ќе бидат објавувани сите поголеми измени.

Кориснички профили – Главната новост се токму корисничките профили. Преку вашиот кориснички панел ќе можете да пристапите до сите ваши скратени линкови, да избришете некој доколку ви е непотребен и сл.

Нов дизајн – Постоечкиот дизајн не одговараше за потребите во оваа верзија, па затоа сервисот е целосно редизајниран. Се надеваме дека ќе ви се допадне :)

Преглед на линк – Отстранет е формуларот кој во првата верзија служеше за вметнување на краток линк и добивање на долгиот. Сега, за преглед на долгиот линк, потребно е само да се додаде „?“ на крајот од краткиот линк (пр. http://0.mk/example?).

Бришење на линк – За да избришете некој линк (надвор од корисничкиот панел) потребно е да ги имате линкот и кодот за бришење, наспроти првата верзија во која доволен беше само кодот.

Пријавување на линк – Доколку забележите некој линк кој мислите дека ги прекршува нашите правила, можете да го пријавите и истиот ќе биде разгледан од наша страна.

Полиса за приватност – Пред да продолжите да го користите сервисот, ви препорачуваме да ја прочитате полисата за приватност и изменетите правила.

Во изработка се и други можности кои за одредено време ќе станат дел од сервисот.